Mörkin, þjónustuíbúðir

Búið er að taka fyrir beðum í möninni sem snýr að Suðurlandsbraut 62 og planta þar trjágróðri og runnum, alls um 150 plöntum. Þá er búið að gróðursetja runna við pallana hjá íbúum á jarðhæð við Suðurlandsbraut 62.
Á sameiginlegum svölum hvers húss eru nú þægileg útihúsgögn sem sett voru upp í fyrrasumar en auk þess var í sumar komið fyrir fallegum blómakerjum á þessu sameiginlega svæði. Þessar rúmgóðu og fínu svalir eru frábær staður fyrir íbúa til að hittast og rabba saman þegar veðrið er gott.