|
Árni Páll Árnason félags- og tryggingamálaráðherra og Guðrún B.
Gísladóttir forstjóri Grundar undirrituðu síðastliðinn föstudag samning
um rekstur á nýju og glæsilegu 110 rýma hjúkrunarheimili við
Suðurlandsbraut 66 í Reykjavík. sem hlotið hefur nafnið Mörk –
hjúkrunarheimili.
Árni Páll Árnason, félags- og tryggingamálaráðherra, segir að með
opnun Markar sé orðin að veruleika sú stefna sem mörkuð hefur verið til
framtíðar um gjörbreyttar og bættar aðstæður aldraðra á
hjúkrunarheimilum með áherslu á sjálfstæði og virðingu aldraðra og rétt
þeirra til heimilis og einkalífs.
|
|
Nánar...
|
|
|
Grund sendi í morgun inn tilboð um að reka
hjúkrunarheimilið við Suðurlandsbraut 66. Tilboðsfrestur rann út klukkan
ellefu í morgun og var Grund eini aðilinn sem bauðst til að sjá um
reksturinn. Niðurstaða mun liggja fyrir eftir um það bil tvær
vikur. Grund festi nýverið kaup á þremur íbúðabyggingum við hlið
hjúkrunarheimilisins á Suðurlandsbraut. Fyrirhugað er að íbúum þar
bjóðist ýmis þjónusta í framtíðinni en unnt er að festa sér þar íbúð með
íbúðarréttarfyrirkomulagi. Alls er um 78 íbúðir að ræða en fólk er
þegar búið að festa sér um þriðjung íbúðanna. |
|
Félag í eigu dvalar- og hjúkrunarheimilisins Grundar, Grund Mörkin ehf, hefur fest kaup á Mörkinni, 78 íbúðum að Suðurlandsbraut 58-62.
Þar verður boðið upp á fyrsta flokks þjónustuíbúðir fyrir fólk frá sextugu.
Íbúðirnar eru misstórar eða allt frá 80 fermetrum og upp í um 140 fermetra. Þær eru tilbúnar til sölu og afhendingar með glæsilegum innréttingum og gólfefnum.
Verði er stillt í hóf til að gera sem flestum kleyft að geta búið í þessum fallegu íbúðum.
Nánari upplýsingar fást í síma 530-6100 til klukkan 15 alla virka daga. Utan þess tíma er hægt að fá frekari upplýsingar í síma 618-9200. Hægt er að senda fyrirspurnir á netfangið
Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.
|
|
|
